Med bakgrunn i auka pengemarknadsrenter, Noregs Bank si nylege auke i
styringsrenta og den generelle marknadssituasjonen, har Voss Veksel- og
Landmandsbank ASA i dag vedteke å auke rentene på utlån og innskot med inntil
0,50 prosentpoeng.
For eksisterande utlånskundar vil renteendringa tre i kraft frå 7. oktober 2022,
og for nye kundar frå 26. august 2022. Endringane på innskot vert gjennomført 7.
oktober 2022. Alle kundar som får renteendring, vil motta brev om dette eller
informasjon i nettbanken om korleis renteendringa påverkar lånet eller innskotet
deira.
Ny beste rettleiande bustadlånsrente vert 3,05 % p.a. på produktet Grønt
bustadlån/oppussingslån, og beste innskotsrente vert Bustadsparing for Ungdom
(BSU) med 3,85 % p.a.
For ytterlegare informasjon kan adm. banksjef Stig Gunnar Røthe kontaktast på
tlf. 56 52 35 63.
Denne opplysninga er informasjonspliktig etter verdipapirhandellova § 5-12.